“გამოცდილი ქალიშვილი”

ჩემმა მეგობარმა ნიკამ გამაოგნებელი ისტორია მომიყვა: ერთ გოგოს ხვდებოდა თურმე, რომელმაც ორალური სექსი შესთავაზა, მხოლოდ იმიტომ რომ ქალიშვილობის აპკი შეენარჩუნებინა. ყველაზე ცუდი კი ის არის, რომ ამდაგვარი ისტორია მხოლოდ ნიკასგან არ მომისმენია. არსებობენ ჩვენს ქალაქში ისეთები, თან არც თუ ისე ცოტა, რომლებიც ბიჭებთან ანალური და ორალური სექსით არიან დაკავებული, ტუჩების ჩალურჯებამდე „ზასაობენ“ და ამ ყველაფრის შემდეგ „ქალწულები“ „ბარდებიან“ ქმრებს. ამაზეა ნათქვამი: „არც მწვადი დაწვა და არც შამფურიო.“

ორალურ სექსზე კიდევ უფრო მეტად გავრცელებულია პეტინგი (petting), რაც გულისხმობს ეროგენული ზონების სტიმულირებას და ორგაზმს სექსის გარეშე.  ჩემი მეგობარი გიორგი პირდაპირ შარვალში ათავებს თურმე, შეყვარებულთან „კოცნა–პროშვნისას“ და ის გოგოც თავისუფლად განიცდის რამოდენიმე ორგაზმს, საქალწულე აპკის დაკარგვის გარეშე.

კიდევ არიან ისეთებიც, რომლებიც კუზანოვის კლინიკაში მიდიან ქალიშვილობის აღსადგენად. ნეტავ  მაგათ ჭკუაში ჩამახედა – პირველად ქალიშვილობის  დაკარგავა ხომ თავისთავად უსიამოვნო პროცესია და ორჯერ.. და სამჯერ.. ეს უკვე მეტისმეტია.. სიამოვნება– უსიამოვენებას რომ თავი დავანებოთ, როგორ უნდა იცხოვრო მთელი ცხოვრება კაცთან, რომელსაც ატყუებ, რომელიც არ გიცნობს და მიამიტურად ჯერა, რომ შენ უმწიკვლო და გამოუცდელი ხარ.

და საერთოდ, დაფიქრდი,  შენ უნდა უყვარდე კაცს თუ  შენი აპკი? შენ უნდა გათხოვდე თუ შენი ქალიშვილობა? აკეთე ის რაც გინდა, და თუ მაინცდამაინც პატიოსანი გინდა გათხოვდე,  ორგაზმამდე ზასაობას მაინც  დაანებე თავი! თითქმის ყოველ საღამოს უზომოდ აღზნებულ შეყვარებულს მარტოს ტოვებ და ვინ იცის ვისთან მიდის! ნუთუ თანახმა ხარ, რომ ვიღაც სხვა გოგოებთან იწანწალოს, მხოლოდ იმიტომ რომ ეს რაღაც „კულტურულ–ბიოლოგიური ქსოვილი“ შეინარჩუნო?

თქვენი არ ვიცი, მე კი არასოდეს მინანია ჩემი არჩევანი და საკუთარი თავის წინაშე უფრო მართალი ვარ, ვიდრე ვიღაც „გამოცდილი ქალიშვილი“.