ტყუილი ორგაზმის დროს

რაც არ უნდა გულდასაწყვეტი იყოს, პირდაპირ უნდა ვთქვა: ჩემი პირველი პარტნიორი მალე ათავებდა.. მაგრამ მე მაშინ ამას ვერ ვხვდებოდი.. საიდან უნდა მცოდნოდა რა იყო კარგი სექსი, როცა ის ერთადერთი იყო.  იმასაც ვერ ვხვდებოდი, რომ უნდა მეთქვა ჩემი დაუკმაყოფილებლობის შესახებ და თვეების განმავლობაში ვიტყუებოდი ორგაზმს. და რაოდენ გასაკვირიც არ უნდა იყოს,  ეს იყო ერთადერთი ტყუილი ჩვენს ურთიერთობაში.

და მაინც რატომ ვიტყუებით ქალები სექსის დროს?  იქნებ ჯობია ვუთხრათ მას, რომ  ვერ გავათავეთ? პირადად მე და, ალბათ, ბევრი სხვა ქალიც იმიტომ იტყუება, რომ უფრო სასურველი გამოჩნდეს პარტნიორისთვის.. კაცები ხომ ძირითადად ქალებს აბრალებენ ამას. გარდა ამისა, თითქოს დამნაშავედ გრძნობ თავს და ავადმყოფი ხომ არ ვარო, იმასაც ფიქრობ..

კიდევ ერთი გარემოება, რის გამოც პირადად მე ვიტყუებოდი ის იყო, რომ მინდოდა პარტნიორს ეგრძნო, რომ მე მასთან მსიამოვნებდა, მოკლედ დადებითი შეფასება მიეღო (ეს ხომ კაცებისთვის ძალიან მნიშვნელოვანია). მაგრამ, არის კი ჩვენი კაცის თვითშეფასება ჩვენს სიამოვნებაზე უფრო მნიშვნელოვანი? ანდაც როდემდე უნდა გაითამაშო ეს სიამოვნება?  იტყუები ორგაზმს და საბოლოოდ რაღაც იმედგაცრუების გრძნობა გაქვს სექსის მიმართ. ზოგი იმასაც ამბობს, რომ მასტურბაციით უფრო მეტ სიამოვნებას იღებს, ვიდრე სექსით. და მართლებიც არიან ალბათ, რადგან ცუდ სექსს, ცხადია, გარდაუვალი ორგაზმი ჯობია წარმოსახულ პარტნიორთან.

მაგრამ, რას ნიშნავს ცუდი ან კარგი? როგორ უნდა გავიგოთ ეს, თუკი ერთ პარტნიორზე მეტი არ გვყოლია? ალბათ, ქალიშვილობის ინსტიტუტიც არასრულფასოვანი კომპლექსით შეპყრობილი კაცების მოგონილია, რომელთაც არ სურთ, მათ პარტნიორს შედარების საშუალება ჰქონდეს.

მოკლედ, ასეა თუ ისე, ორგაზმის მოტყუება, ვფიქრობ, არაფრისმომცემია, რადგან ტყუილით, მხოლოდ საკუთარ სიამოვნებაზე ვამბობთ უარს. ალბათ, ბევრად ჯობია დაელაპარაკო ამის შესახებ და გამოასწორო სიტუაცია, იქნებ შენში კი არა, მასშია პრობლემა?  ან იქნებ  ვერ ეწყობით სექსუალურად ერთმანეთს და სულაც არ არის ეს არც ერთის ბრალი? და საერთოდაც კარგად დაფიქრდი, რა გინდა მამაკაცთან, რომელიც ვერ გაკმაყოფილებს?